Stórtíðindi sem láta lítið yfir sér

Það verður að teljast til stórtíðinda að Sviss, Austurríki og Lúxemborg hafi aflétt bankaleynd.  Það hefur í mjög langan tíma verið talið með helstu kostum þess að geyma fé í bönkum í þessum löndum að það hefur ekki verið gefnar upplýsingar um eigendur innistæðna.

Nú er bara spurning hvort bankaleynd verði afnumin í þeim hlutum Breska samveldisins þar sem það ríkir enn, eins og á eyjunum í Karabíska hafinu þar sem útrásarvíkingarnir og aðrir þeir sem hafa efnast á undanförnum áratug eru sagðir geyma eignirnar.

Bankaleynd aflétt í Sviss og Lúxemborg

Athugasemdir

[Jón Valur Jensson, 14.3.2009 kl. 00:23]

Ég heyrði einmitt um þetta rætt í fréttaauka á BBC síðdegis á næstliðnum degi og hefði bloggað um það, ef annað hefði ekki kallað í mann.

Ætla að bæta við fáeinum atriðum þaðan:

Um tvær trilljónir dollara er að ræða í bankainnistæðum!

Þetta er um 1/3 af öllum leynilegum innistæðum í slíkum skattaskjólum heims.

Bankaatvinnugreinin hefur lengst af notið mikils trausts í Sviss, en nú er traustið hrapað niður í núll til 1 prósent!

Það var áfall fyrir Svisslendinga að heyra, að Liechtensteinar hefðu orðið fyrri til en þeir að aflétta bankaleyndinni – þvílík hneisa var þetta orðin fyrir þá eftir þrýsting Bandaríkjanna o.fl. ríkja.

Með góðri kveðju,