Bjargar það einhverju að skipta um mælieiningu?

Ég hef ekki skilið þessa umræðu um að skipta um gjaldmiðil. Og enn síður að það eigi að leysa öll fjármálaleg vandamál íslendinga.  Þetta er flóknara en svo.  Það eru svo margir óljósir þættir sem þarna eru. 

Verðtrygging lána er bundin við neysluvísitölu, það skiptir engu máli hver gjaldmiðillinn er. Til að afnema verðtrygginguna þarf að gera talsvert meira en bara að skipta um gjaldmiðil.  Það þarf að breyta öllum lánasamningum sem eru verðtryggðir.  Það er hægt að vera með verðtryggð lán, þó svo þau hljóði upp á Evrur.  Verðtryggingin er bara ákvæði í lánasamningi um að vextir skuli  annars vegar vera föst % af höfuðstól að viðbættum verðbótum og hins vegar verðbætur sem leggjast við höfuðstól.

Eini ávinningurinn sem ég sé við að skipta um gjaldmiðil er að það verður ekki lengur þörf fyrir seðlabanka, þess vegna munu stýrivextir verða svipaðir og annars staðar.

Til að þetta sé hægt þarf meiriháttar uppstokkun á fjármálakerfinu.  Kannski er nú tækifæri, þegar fjármálakerfið er nær hrunið og þarf að byggja það upp aftur.  Það þarf að endurmeta hvort verðtrygging skuli áfram vera á lánum.  Þegar þeirri vinnu er lokið er hægt að spá í hvort við eigum að vera með eigin gjaldmiðil eða taka upp annann.

Boðið að kasta krónunni

Athugasemdir

[Garðar Valur Hallfreðsson, 22.11.2008 kl. 13:24]

Þetta er nefnilega góður punktur hjá þér, þessi umræða er nefnilega oft á villigötum.  Halda sumir að það sé ekki verðbólga á evrusvæðum?

[Sigþór Hrafnsson (IP-tala skráð) 22.11.2008 kl. 14:21]

neysluvísitala sveiflast eftir gengi krónunnar, sem viðskiptafræðingur ættir að getað reiknað þér til um restina...

[Björn Bjarnason, 22.11.2008 kl. 17:13]

Sigþór, ef neysluvísitala er skoðuð og borin saman við gengi á Evru frá árinu 2000, hefur Evran verið að sveiflast á bilinu frá 80-90 krónur allt fram til mars á þessu ári. Neysluvísitalan hefur á sama tíma, hækkað um rúmlega 50%. Í dag hefur vísitalan hækkað um 60% frá 2000, en evran nær þrefaldast.  Gengið hefur áhrif en það eru margir aðrið þættir sem gera það líka.  Það er ekki bein tenging því miður.